Polsha 1 iyundan boshlab Belarus va Rossiyada ro`yxatdan o`tgan yuk mashinalarini Belarus hududidan olib kirishga taqiq joriy qiladi. Bu haqda Polsha Ichki ishlar vazirligi xabar qildi.
“Polsha 1 iyundan boshlab Rossiya va Belarusda ro`yxatdan o`tgan, Belarus bilan chegarani kesib o`tmoqchi bo`lgan yuk mashinalari va tirkamalar uchun harakatlanish taqiqlanadi”, deb Bloomberg Ichki ishlar vazirligi bayonotidan iqtibos keltirmoqda.
Agentlikning eslatishicha, dushanba kuni Varshava 365 nafar belaruslik shaxsga qarshi sanksiyalar joriy etgan.
Avvalroq Rossiya Davlat dumasi Polsha avtomobil tashuvchilarining Rossiya hududidan o`tishini taqiqlashni taklif qilgan edi.
Bundan tashqari, deputatlar Rossiya Federasiyasi hukumatiga Polsha tashuvchilarining avtomobillarini Rossiya narxlarida yoqilg`i bilan to`ldirish imkoniyatini cheklashni, ular uchun yoqilg`i narxini Evropa Ittifoqi narxlari darajasida belgilashni taklif qilmoqdalar.
