Kuchli shamol esishi natijasida ikki viloyatning bir qator hududlarida elektr ta`minotida uzilish bo`lmoqda.
Energetika vazirligi Matbuot xizmatining xabar qilishicha, Buxoro va Navoiy viloyatlarida kuchli shamol esishi natijasida soat 17:00 holatiga ayrim elektr uzatish tarmoqlari xavfsizlikni ta`minlash maqsadida o`chirildi.
Buning natijasida:
Buxoro viloyatining Shofirkon, Peshku va G`ijduvon tumanlaridagi jami 6000 ta iste`molchining;
Navoiy viloyatining Nurota, Navbahor, Konimex va Karmana tumanlaridagi jami 23 560 ta iste`molchining elektr ta`minotida uzilish bo`lmoqda.
Hududda kuchli shamol esishi pasaygandan so`ng elektr ta`minoti qayta tiklanadi.
