“Xalqaro shartnomani tasdiqlash to`g`risida”gi Prezident qarori qabul qilindi. Bu haqda Adliya vazirligi xabar qildi.
Qarorga muvofiq, O`zbekiston hamda Sloveniya Respublikasi Hukumatlari o`rtasida iqtisodiy hamkorlik to`g`risidagi bitim tasdiqlandi.
Mazkur bitim 2023 yil 8 fevral kuni Toshkent shahrida imzolangan.
Investisiyalar, sanoat va savdo vazirligi ushbu xalqaro shartnomani amalga oshirishga mas`ul bo`lgan vakolatli organ etib belgilandi.
Vazirlar Mahkamasi hamda tegishli vazirlik va idoralarning rahbarlari ushbu xalqaro shartnoma kuchga kirganidan keyin uning qoidalari amalga oshirilishi ustidan belgilangan tartibda nazoratni ta`minlaydi.
