Ijtimoiy tarmoqlarda tarqalayotgan videotasvirda 2023 yil 26 iyun kuni taxminan soat 17.00 larda, Toshkent viloyati G`azalkent shahrida Ichki ishlar vazirligi Jinoyat qidiruv xizmati xodimlari tomonidan Toshkent shahri Olmazor tumanida sodir etilgan qotillik jinoyati bo`yicha gumonlanayotgan jinoiy guruh a`zolarini qo`lga olish jarayoni aks etgan.
IIV matbuot kotibi Sh.G`iyosovning ma`lum qilishicha, hozirda jinoyat ishiga oid tezkor-qidiruv harakatlari davom etayotganligini inobatga olgan holda, ishga oid boshqa ma`lumotlar oshkor etilmaydi.
