Chimkent shahar hokimining o`rinbosari Maqsut Isoxov korrupsiyada gumonlanib, hibsga olingan. Bu haqda Tengrinews.kz xabar bermoqda.
"Ushbu fakt bo`yicha tergovga qadar tergov harakatlari olib borilmoqda va barcha zarur tergov-tezkor tadbirlari amalga oshirilmoqda. Jinoyat-prosessual kodeksining 201-moddasiga muvofiq, tergov manfaatlariga daxldor boshqa ma`lumotlar oshkor etilishi mumkin emas. ”, — deyiladi KNB matbuot xizmati.
Maqsut Isoxov 2020 yil fevral oyida Chimkent hokimi o`rinbosari etib tayinlangan edi. Shahar hokimligida transport va avtomobil yo`llari, mehnat inspeksiyasi, turizm, jismoniy tarbiya va sport, axborot xavfsizligi va aholiga xizmat ko`rsatish, shuningdek, raqamlashtirish, erdan foydalanish va ularni muhofaza qilish ustidan davlat nazorati masalalarini nazorat qilgan.
Maqsut Isoxov 49 yoshda.
