Toshkent shahri va Toshkent viloyati aholisining maishiy chiqindilari uchun mo`ljallangan Ohangarondagi chiqindi poligonini qurish qiymati 16 million AQSh dollarini tashkil etadi. Bu haqda Ekologiya vazirligi tomonidan OAV vakillari uchun tashkil etilgan press-tur davomida ma`lum qilindi.
Loyiha O`zbekiston Respublikasi Prezidentining 2020 yil 15 dekabrdagi “Toshkent shahrida maishiy va qurilish chiqindilari bilan ishlash sohasidagi faoliyatni takomillashtirish chora-tadbirlari to`g`risida”gi qaroriga muvofiq Osiyo Taraqqiyot banki bilan hamkorlikda amalga oshirilmoqda.Loyihaning umumiy maydoni 30 gektar, poligonning o`zi esa 25 gektarni tashkil etadi.
Chiqindilarni qayta yuklash va utilizasiya qilish bo`yicha "Maxsustrans" filiali rahbari Rafael Bekmullinning so`zlariga ko`ra, poligon mutlaqo yangi texnologiya asosida ishlaydi.
“Poligonning butun hududi geotekstil, geogrid va boshqa geomateriallardan iborat maxsus material bilan qoplanadi. Poligonning pastki qismi doimiy muhrlangan havza bo`lib, er osti suvlari va atmosferaga salbiy ta`sir ko`rsatmaydi.
Maxsus materiallardan tashqari, bu erda biz chiqindidan suv chiqaradigan quvurlarni yotqizamiz. Shuningdek, gaz va metanni quyish uchun quvurlar o`rnatamiz, bu esa kelajakda metan va elektr energiyasi ishlab chiqarish imkonini beradi”, — dedi R.Bekmullin.
Poligon 15-20 yilga mo`ljallangan bo`lib, 20 million tonnaga yaqin chiqindini sig`dira oladi. Uning qurilishi joriy yilning noyabr oyigacha yakunlanadi.
