Bugun Toshkentda futbol bo`yicha o`smirlar o`rtasida Mirabror Usmonov xalqaro xotira turniri (Mirabror Usmanov Memorial Cup-2023) boshlanadi, deb xabar bermoqda ”Dunyo” AA.
15 yoshgacha bo`lgan o`smirlar o`rtasida tashkil etilayotgan musobaqada O`zbekiston, Saudiya Arabistoni, BAA va Chernogoriya jamoalari o`zaro bahs olib boradi.
Musobaqaning tantanali ochilish marosimi va 1-tur uchrashuvi bugun soat 19:00 poytaxtimizdagi «Bunyodkor» stadionida o`tkaziladi. Unda O`zbekiston va BAA o`smirlar terma jamoalari o`zaro bellashadilar.
