Бугун Тошкентда футбол бўйича ўсмирлар ўртасида Мираброр Усмонов халқаро хотира турнири (Mirabror Usmanov Memorial Cup-2023) бошланади, деб хабар бермоқда ”Дунё” АА.
15 ёшгача бўлган ўсмирлар ўртасида ташкил этилаётган мусобақада Ўзбекистон, Саудия Арабистони, БАА ва Черногория жамоалари ўзаро баҳс олиб боради.
Мусобақанинг тантанали очилиш маросими ва 1-тур учрашуви бугун соат 19:00 пойтахтимиздаги «Бунёдкор» стадионида ўтказилади. Унда Ўзбекистон ва БАА ўсмирлар терма жамоалари ўзаро беллашадилар.
