Futbol bo`yicha Osiyo o`yinlari doirasida O`zbekiston Olimpiya terma jamoasi 1-oktyabr, yakshanba kuni Saudiya Arabistoniga qarshi maydonga tushdi.
Uchrashuvning 24-daqiqasida Saidazamat Mirsaidov ajoyib kombinasiyani golga aylantirdi va hisobni ochdi. 44-daqiqada esa Vladimir Nazarovning uzatmasidan so`ng Alisher Odilov uzoqdan ochiq darvozani aniq nishonga oldi.
Ikkinchi bo`limda saudiyaliklar hisobni qisqartirdi. 65-daqiqada Muhammad Marran o`z hisobiga gol yozdirib qo`ydi. Qolgan daqiqalarda darvozalar ishg`ol etilmadi va O`zbekiston OTJ g`alaba qozondi.
Shu tariqa Timur Kapadze shogirdlari yarim final yo`llanmasiga ega chiqdi.
