Tashqi mehnat migrasiyasi agentligi va Germaniyaning “CBZ München GmbH” tashkiloti o`rtasidagi hamkorlikka muvofiq Germaniyaga Ausbildung orqali ishga jalb qilish maqsadida Toshkent va Samarqand shahridagi “Ishga marhamat” monomarkazlarida nemis tilini o`qitish dasturi ishlab chiqildi.
Germaniyada dual ta`lim tizimi uchun begilangan sohalar:
1.Oziq-ovqat kasblari (novvoy, qandolatchi, qassob);
2. Hunarmandchilik palatasi sektoridagi metalga ishlov berish kasblari;
3. Quyosh elektr energiya, isitish, santexnika;
4. Qurilish sektori (g`isht teruvchilar, betonchilar, bo`yoqchilar va duradgorlar);
5. Mexatronika muhandisi.
️Nomzodlar uchun talablar:
- Umumta`lim maktabini tugatgan shahodatnomaga ega bo`lishi;
- Nemis tilini B1-B2 darajagacha o`rganishga ishtiyoq va saloyihat;
- 18-30 yoshgacha bo`lishi;
- Kelajakda yuqorida ko`rsatilgan kasblar bo`yicha o`qish va ishlashga qiziqish hamda layoqat;
- Toshkent yoki Samarqand shahrida tashkil etiladigan nemis tili kurslarida dastur davomida o`qish (2 bosqichli tanlovlardan muvaffaqiyatli o`tgan nomzodlargina dasturda ishtirok etadi);
- nomzodlar nemis tili kurslarida qatnashayotgan vaqtda mehnat faoliyati bilan shug`ullanmasligi (haftada 5 kun soat 9:00 dan 17:00 gacha kurs);
- Gyote instituti, ECL yoki ÖsD imtihonlaridan muvaffaqiyatli o`tishi;
- sudlanmagan bo`lishi;
- jismonan sog`lom bo`lishi;
Loyihada ishtirok etish istagida bo`lgan fuqarolarga quyidagi sharoitlar yaratib beriladi:
- texnik jihozlangan o`quv xonasi;
- bepul o`qituvchi va o`quv materiallari;
- imtihonlardan muvaffaqiyatli o`tib tegishli til sertifikatini olgan qatnashuvchilarning viza hujjatlarida ko`mak;
- Germaniyaga Ausbildung tizimiga yuborilgan kurs ishtirokchilarining o`qish hamda mehnat sharoitlari Germaniya standartlari asosida (2-3 yillik dual ta`lim jarayonida belgilangan stipendiya 950 – 1250 evrogacha) va butun dual tizim davomida doimiy qo`llab-quvvatlash va o`qishdan keyin doimiy ish.
Eslatma: Toshkent va Samarqand shahridagi nemis tili kurslariga 2023 yil 11 dekabrdan start beriladi!
