Sakkiz metrli to`lqinlar tufayli Mavrikiy poytaxti Port-Lui qirg`og`ini suv bosgan. Avtomobillar va binolar ham suv ostida qoldi.
Kuchli yomg`ir va tezligi soatiga 200 kilometrgacha bo`lgan shamol yuzlab sayyohni tashqi dunyodan uzib qo`ydi. Xalqaro aeroport o`z faoliyatini to`xtatdi.
Mavrikiy hukumati mahalliy vaqt bilan dushanba kuni soat 20:00 dan seshanba kuni soat 12:00 gacha komendantlik soati joriy etilishini e`lon qildi.
Komendantlik soatini buzganlarni 100 ming Mavrikiy rupiysi (2,3 ming dollar) gacha jarima yoki ikki yilgacha qamoq jazosi kutmoqda. Ko`chalarda faqat favqulodda vaziyatlar va zaruriy xizmatlar xodimlari harakatlanishi mumkin.
Orolda yuz bergan tabiiy ofatdan so`ng Milliy meteorologiya xizmati direktori iste`foga chiqdi.
