Jahon sog`liqni saqlash tashkilotining ma`lumotiga ko`ra, so`nggi yillarda transyog`lardan foydalanish sezilarli darajada oshgan. Bu haqida Sog`liqni saqlash vazirligi Matbuot xizmati xabar bermoqda.
Chunki ular odatda organizm uchun foydali yog`larga qaraganda arzonroq va qator kimyoviy va fizik xususiyatlarga ega. Masalan, xona haroratida qattiq holatda saqlanib qoladi, shu sabab ularni turli xil qayta ishlangan oziq-ovqat mahsulotlariga qo`shish qulay, deyiladi xabarda.
Eslatib o`tilishicha, transyog`lar sanoat yoki tabiiy to`yinmagan yog`li kislotalardir. Sanoatda ishlab chiqarilgan ushbu mahsulot margarin, o`simlik yog`lari, qovurilgan taom va pishiriqlar, xususan, krakerlar, pechene va piroglarda mavjud.
Tabiiy transyog`lar kavsh qaytaruvchi hayvonlar (masalan, sigir, qo`y, echki) go`shti va ulardan olinadigan sut mahsulotlarida bo`ladi.
Sanoatdagi va tabiiy transyog`larning ikkisi ham birdek zararli.
JSSTning yangi hisobotida aytilishicha, dunyo bo`ylab besh milliard odam ushbu yog`larning zararli ta`siridan himoyalanmagan bo`lib, bu yurak xastaliklari va o`lim xavfini oshiradi.
Har yili sanoatda ishlab chiqarilgan transyog`lar dunyo bo`ylab 278 mingdan ortiq o`limga sabab bo`lmoqda.
JSST mazkur turdagi yog`larni taqiqlash yoki uni kunlik energiya miqdorining 1 foizigacha kamaytirishni tavsiya qiladi. Ya`ni, kunlik rasionda 2000 kaloriya bo`lsa, transyog`lar 2,2 grammga to`g`ri kelishi lozim.
Ularni salomatlik uchun foydali yog`lar bilan almashtirish mumkin.
Ilg`or tajribaga asoslanib, JSST davlatlar uchun ikkita variantni tavsiya qiladi:
Qator mamlakatlar tajribasi shuni ko`rsatadiki, majburiy cheklovlar ixtiyoriy cheklovlardan farqli o`laroq, oziq-ovqat mahsulotlaridagi transyog`lar miqdorini va ularni aholi tomonidan iste`mol qilishni kamaytirishda ancha samarali