G`azo sektoridagi kamida 1,1 million kishi oziq-ovqat zahiralarini tugatgan va halokatli ocharchilik xavfi ostida qolgan. Bu haqda BMT Bosh kotibi Antoniu Guterrish Nyu-Yorkda G`azo masalasi bo`yicha matbuot bilan uchrashuvda aytib o`tdi.
Guterrishning aytishicha, oziq-ovqat xavfsizligi bo`yicha dunyoning etakchi mutaxassislari fikricha, G`azo shimolida ocharchilik muqarrar.
“G`azodagi barcha falastinliklarning yarmidan ko`pi, 1,1 million kishi oziq-ovqat zaxiralarini to`liq tugatdi va bu halokatli ocharchilikka tahdid solmoqda. Xabarlarga ko`ra, G`azodagi falastinliklar dahshatli g`azab va azob-uqubatlarni boshdan kechirmoqda”, — dedi u.
Shu bilan birga, Guterrish bu butunlay sun`iy ofat ekanligini va uni to`xtatish mumkinligini ta`kidladi.
“Isroil hukumatini G`azoga insonparvarlik yuklarining to`liq va to`siqsiz etkazilishini ta`minlashga, xalqaro hamjamiyatni esa insonparvarlik sa`y-harakatlarimizni har tomonlama qo`llab-quvvatlashga chaqiraman”, — deya xulosa qildi Guterrish.
Avvalroq Evropa Ittifoqi diplomatiyasi rahbari Xosep Borrel G`azo sektorining minglab aholisi uchun ochlik allaqachon haqiqatga aylanganini aytgan edi. Uning so`zlariga ko`ra, anklav bilan chegarada bir necha oy davom etadigan oziq-ovqat zahiralari to`plangan, biroq siyosiy sabablarga ko`ra yordam anklavga etib bormayapti.
