Oliy liga-2016 musobaqalari yakunlanishiga bir tur qolganida barcha sovrindorlar aniqlandi.
“Bunyodkor” futbol klubi poytaxtning “Lokomotiv” jamoasini tarixda ilk marotaba chempionlik unvonini qo`lga kiritgani bilan samimiy muborakbod etdi.
"Bir necha yil mobaynida olib borilgan keng ko`lamli ishlar, nihoyat, samara berdi. Yakunlanayotgan mavsumda “Lokomotiv” Osiyo chempionlar ligasi va O`zbekiston kubogi musobaqalarida ham muvaffaqiyatli ishtirok etgani tahsinga loyiq. O`z navbatida, Qarshining “Nasaf” jamoasini chempionatning bronza medallari hamda mamlakat kubogi finaliga chiqqani bilan tabriklaymiz!", — deyiladi xabarda.
Qayd etish joiz, "Bunyodkor" joriy mavsumni kumush medallar bilan yakunlashi avvalroq oydinlashgandi.
