Tish og`rig`ida limon foydali

Limon organizmni tiqinlardan tozalashda, hazm qilish faoliyati, qon aylanishi, ko`rish qobiliyatini yaxshilash, immunitetni oshirish va yuqori nafas yo`llari kasalliklariga davo.

Resept:

• Shamollaganda: immunitetni mustahkamlash, tumov va nafas yo`llarini tozalash uchun kuniga uch mahal limon sharbatiga 1 stakan qaynagan suv aralashtirib ichish foydali. Ayniqsa, tana harorati ko`tarilgan paytda limon sharbati ichilsa, ter ajralishi natijasida isitma pasayib, organizmda kasallikka qarshi ta`sir kuchi yuzaga keladi.
• Hazm qilish faoliyati bilan bog`liq holatlarda: masalan, jig`ildon qaynashida limon sharbatiga ozroq suv aralashtirib ichilsa, bezovtalik yo`qoladi.
• Tish og`rig`ida: milklar qonashi, karies va tish og`rig`ida limon sharbati bilan og`izni chayqash tavsiya etiladi. Har kuni uyquga yotishdan avval archilgan limon po`sti bilan tishlar ishqalansa, milklar mustahkamlanib, tish rangi oqaradi.
• Teri muammolarida: yuz, qo`l va oyoq terisidagi muammolarda limondan foydalanish mumkin. Teridagi shamollash sabab yuzaga kelgan toshmalar, teri yuzasining dag`allashib, qorayishi kabi holatlarda limon bo`lagi yordamida muammodan xalos bo`lish mumkin. Limon tarkibidagi antibakterial moddalar teri yuzasidagi shamollashni ketkazib, jarohatning bitishini tezlashtiradi.
• Yurak-qon tomir faoliyati muammolarida: har kuni nahorda och qoringa 1 stakan limon sharbatini ta`bga ko`ra suv bilan aralashtirib qabul qilinadi. Bu usul yurak faoliyati uchun quvvat beradi.
• Limondan tayyorlangan murabbo, djem va kompotlar jigar, qorin, mushaklar og`rishi va qon ketish holatlarida foydali.

Kimlarga mumkin emas?

Homilador ayollar va kichik yoshdagi bolalarga (agar allergik toshmalarga moyillik bo`lsa), limondan tayyorlangan malhamlar tavsiya etilmaydi. Shu bilan birga, oshqozon yarasi va 12 barmoqli ichak faoliyati bilan bog`liq xastliklarda ham mazkur meva nojo`ya ta`sir ko`rsatishi mumkin.