AsosiyJamiyat

Prezident Sirdaryo viloyatida agrosanoatni rivojlantirish imkoniyatlarini ko‘rsatib o‘tdi

Viloyatda qishloq xo‘jaligi sohasidagi ishlarni yangi yondashuvlar asosida tashkil etish bo‘yicha yig‘ilish o‘tkazildi.

'Prezident Sirdaryo viloyatida agrosanoatni rivojlantirish imkoniyatlarini ko‘rsatib o‘tdi'ning rasmi

Prezident Shavkat Mirziyoyev 5 may kuni Sirdaryo viloyatida qishloq xo‘jaligi sohasidagi ishlarni yangi yondashuvlar asosida tashkil etish bo‘yicha yig‘ilish o‘tkazdi. Bu haqda Prezident Matbuot xizmati xabar berdi.

Sirdaryo viloyati hudud jihatidan kichik bo‘lsa-da, aslida, qishloq xo‘jaligida katta salohiyatga ega. Asosiy maydonlar daryo va kanallar bo‘yida joylashgan, aholisi mehnatkash, barcha infratuzilma qulay.

Yig‘ilishda tumanlardagi manzilli o‘rganishlar tahlil qilinib, yangi taklif va rejalar ko‘rib chiqildi.

Ekinlarni yerlarning tuproq-iqlim xususiyatidan kelib chiqib yetishtirish, cho‘l hududlarda g‘alla, sabzavot va kartoshka hosildorligini oshirish bo‘yicha takliflar bildirildi.

Sug‘orish tarmoqlarini ta’mirlab, ikki yilda 20 ming gektar yerni qayta foydalanishga kiritish rejalashtirilmoqda.

Oziq-ovqat loyihalari uchun ham imkoniyatlar ko‘p. Jumladan, Oqoltin, Guliston va Boyovut tumanlaridagi 9 ming gektarda 3 ta yirik chorvachilik majmuasini ishga tushirish, 7 ming gektarda yangi texnologiya asosida paxta yetishtirish mo‘ljallangan.

Viloyatda 10 ming gektar bog‘ va tokzor bor. Ularning yarmidan ko‘pida nav va agrotexnologiya eskiligi uchun meva-sabzavot xaridorgir emas. Shu bois 2 ming gektar bog‘ni yangilab, xorijda eng xaridorgir mevalar yetishtirish, qolganini talabgorlarga taklif etish ko‘zda tutilgan.

Shuningdek, bu yil “O‘ng tarmoq” tumanlararo kanalining 607 kilometrini rekonstruksiya qilish va raqamli boshqaruvga o‘tkazish loyihasi yakunlanadi. Natijada 35-40 foiz suv tejaladi, 27 ming gektarda suv ta’minoti yaxshilanadi.

Davlatimiz rahbari bu takliflarni ma’qullab, qishloq xo‘jaligida hosildorlik va aholi bandligini ta’minlash, oziq-ovqatga bo‘lgan ichki talabni to‘liq qoplash, qayta ishlash va eksport quvvatlarini oshirish bo‘yicha ko‘rsatmalar berdi.

    Bizni ijtimoiy tarmoqlarda kuzatib boring

    Boshqa yangiliklar

    '“TOP-100” talik universitetlarga grant asosida o‘qishga kirganlarga “El-yurt umidi” stipendiyasi imtihonlarsiz ajratiladi'ning rasmi

    Jamiyat 05.05.2025 21:53

    'Aholining dam olishi uchun foydalaniladigan yerlarni xususiylashtirish  taqiqlanadi'ning rasmi

    Jamiyat 05.05.2025 18:36

    Aholining dam olishi uchun foydalaniladigan yerlarni xususiylashtirish  taqiqlanadi

    Qonun bilan ayrim qonun hujjatlariga o‘zgartirish va qo‘shimchalar kiritildi.

    'Xorijga ketayotgan sirdaryolik ayol 7 oylik bolasini ko‘chaga tashlab ketdi'ning rasmi

    Jamiyat 05.05.2025 18:26

    Xorijga ketayotgan sirdaryolik ayol 7 oylik bolasini ko‘chaga tashlab ketdi

    Bolaning cho‘ntagida qoldirilgan xatda farzandining ismi, yoshi va nima sababdan tashlab ketganligi yozilgan.

    'Xorijga ishlash va sayohatga ketadigan talabalarga 15 mln so‘m ssuda beriladi'ning rasmi

    Jamiyat 05.05.2025 16:53

    Xorijga ishlash va sayohatga ketadigan talabalarga 15 mln so‘m ssuda beriladi

    Har yili 2 ming nafargacha yoshlarning ishlash va sayohat xarajatlari qoplanadi.

    'Dollarning rasmiy kursi yana ko‘tarildi'ning rasmi

    Jamiyat 05.05.2025 16:00

    Dollarning rasmiy kursi yana ko‘tarildi

    Markaziy bank xorijiy valyutalarning so‘mga nisbatan qiymatini e’lon qildi.

    'Afsonaviy Alkatras qamoqxonasi qayta ochilishi mumkin'ning rasmi

    Jamiyat 05.05.2025 13:35

    Afsonaviy Alkatras qamoqxonasi qayta ochilishi mumkin

    Bu qamoqxona 62 yil avval yopilgan edi.