Viloyatda 6 ta davlat va 3 ta xususiy oliygoh bor. Ular ichida etakchi bo`lgan Namangan universitetida o`zgarish qilish vaqti kelgani ta`kidlandi. Bu haqda Prezident matbuot xizmati xabar berdi.
Universitetdagi 71 ta ta`lim yo`nalishi 56 taga kamaytirilib, yangi adabiyotlar bilan to`liq ta`minlanadi. Ta`lim sifatini oshirish uchun o`quv dasturlari yangilanadi.
Oliygohlardagi 65 ming talabadan 32 mingi boshqa viloyatdan kelib o`qishini inobatga olib, oliygohlar atrofidagi 43 ta mahallada uy yotoqxonalarini tashkil etish topshirildi.
Yig`ilishda muhokama qilingan masalalar yuzasidan mutasaddilarning hisobotlari, tadbirkorlarning takliflari tinglandi.
