Toshkent hayvonot bog`ida tomoshabin tashlagan ozuqani emoqchi bo`lgan qushning boshi uzilib ketishiga sal qoldi. Bog` ma`muriyati tomonidan e`lon qilingan videoda ushbu holat aks etgan.
Videoda emu katagiga otilgan egulikning bir qismi tashqariga tushib qolgani, uni emoqchi bo`lib bo`y cho`zgan qushning boshi setkaga tiqilib qolganini ko`rish mumkin. U boshini chiqarib olaman deb o`z bo`ynini o`zi uzib yuborishiga sal qolgan.
Bog` ma`muriyatining qayd etishicha, voqeadan so`ng veterinar shifokorlar uni operasiya qilishgan. Hozirda qushning ahvoli og`ir ekanligi aytilmoqda.