Rossiya Favqulodda vaziyatlar vazirligi 22 mart kuni Crocus City Hall konsert zalida sodir etilgan terakt natijasida halok bo`lganlarning yangilangan ro`yxatini e`lon qildi. 27 mart soat 20:15 holatiga ko`ra, ro`yxatda 143 nafar shaxs bor edi.
Ta`kidlanganishicha, ro`yxat Rossiya Federasiyasi Sog`liqni saqlash vazirligi ma`lumotlarini aks ettiradi va sud-tibbiyot ekspertizasi ma`lumotlari asosida tuzatiladi.
Rasmiy ma`lumotlarga ko`ra, konsert zaliga uyushtirilgan hujumda 360 kishi, jumladan, 11 bola ham tan jarohati olgan.
Rossiya Federasiyasi Tergov qo`mitasi jabrlanuvchilardan ularning qarindoshlari yoki do`stlarining terrorchilik hujumi natijasida “yo`qolib qolgani” haqida 143 ta bayonot olganini ma`lum qildi.
22 mart kuni Moskvadagi Crocus City Hall binosida terakt sodir bo`ldi. Hujum uchun javobgarlikni IShID o`z zimmasiga oldi. FSB 11 gumondorning hibsga olingani, ulardan 8 nafari 22 maygacha hibsga olingani haqida xabar berdi. Tergov ma`lumotlariga ko`ra, ulardan besh nafari Tojikiston fuqarolari, yana ikki nafari Rossiya fuqaroligini olgan respublika fuqarolari, yana bir nafari esa Rossiya fuqaroligini olgan Qirg`iziston fuqarosi.
