"Parizod", "Telba", "Kechikkan hayot" filmlari rejissyori Ayub Shahobiddinov yangi film ustida ish boshladi. Bu haqida Kinematografiya agentligi Axborot xizmati xabar bermoqda.
Rejissyorning navbatdagi filmi psixologik drama janrida bo`lib, "Bahorni quvib" deb nomlanadi. Film Kinematografiya agentligi buyurtmasiga binoan "O`zbekfilm" kinokonserni tomonidan suratga olinadi. Ayub Shahobiddinovning ma`lum qilishicha, tasvirga olish ishlari Surxondaryoning Boysun tumanida bo`lib o`tishi rejalashtirilgan. Rejissyor viloyatda bo`lib filmning tasvirga olish joylari bilan tanishdi.
Senariy muallifi Erkin A`zam, operator Diyor Ismatov, liboslar bo`yicha rassom Zuhra G`anieva, bastakor Abulqosim Muinzoda.
Film bosh qahramoni ko`plab qiyinchiliklarni boshdan kechiradi. Hayotda o`z o`rnini topgach, oradan o`ttiz yil o`tib, ma`lum sabablarga ko`ra badarg`a etilgan qishlog`iga qaytadi. Asosiy voqeliklar shundan keyin boshlanadi. Ushbu filmda taqdir sinovlarini mehr va shafqat bilan qarshi olish haqida so`z boradi.
Kinoloyiha bo`yicha jarayon davom etmoqda.
