Amudaryoda MIB qizning dadasi olib bergan sarpolarni sobiq kuyovidan undirib berdi. Ular mol-mulkni qaytarish uchun sudga murojaat qilgan.
Fuqarolik ishlari bo`yicha Amudaryo tuman sudining 2023 yil 15 noyabrdagi ijro hujjatiga asosan da`vogar M.O.ga javobgar A.X.dan uning uyida turgan qarib 15 million so`mlik 46 xil sep mol-mulklarni olib berish belgilangan. Bu haqda MIB axborot xizmati xabar berdi.
Ma`lum qilinishicha, ushbu ijro hujjati Majburiy ijro byurosi Amudaryo tuman bo`limi ish yurituviga kelib tushib, bo`lim xodimlari tomonidan ijro harakatlariga kirishilgan.
Ijroni ta`minlash maqsadida MIB Amudaryo tuman bo`limi xodimlari tomonidan javobgarning uyiga 2024 yilning 13 aprel kuni borilib, olib berilishi lozim bo`lgan qariyb 15 million so`mlik 46 xil sep mol-mulklar da`vogar M.O.ga olib berilib, sud qarori ijrosi amalda ta`minlangan.
