Fuqarolarning ko`p miqdordagi pul mablag`larini o`zlashtirishda ayblanib, bugungi kunda Turkiya hududida jinoiy javobgarlikdan yashirinib yurgan Atabaev Fazlitdin Faxritdinovich qidirilmoqda. Bu haqida O`zbekistonning Turkiyadagi Bosh konsulxonasi e`lon berdi.
U 1986 yilda Samarqand viloyatida tug`ilgan.
Ushbu shaxs to`g`risida ma`lumotga ega bo`lganlardan Bosh konsulxonaga yoki O`zbekiston Respublikasi Ichki ishlar vazirligiga xabar berish so`ralmoqda.
"Jinoiy javobgarlikdan qochib xorijiy davlatlarda, shu jumladan Turkiyada yashirinib yurgan har bir shaxsga nisbatan jinoiy ta`qib izchil ravishda davom ettiriladi va jinoyat uchun javobgarlik prinsipi qat`iy ta`minlanadi", - deyiladi e`londa.
