Toshkentda stol tennisi bo`yicha "Parij-2024" lisenzion turniri boshlandi. Bu haqda Milliy Olimpiya qo`mitasi ma`lumot berdi.
Unga ko`ra, 19 mayga qadar davom etadigan musobaqada 5 mamlakatdan 18 nafar sportchi g`oliblik uchun kurash olib boradi.
Bugun turnirning tantanali ochilish marosimi bo`lib o`tdi. Ayni paytda saralash bellashuvlari o`tkazilyapti. Dasturga ko`ra, ertaga saralash bosqichining so`nggi o`yinlari va chorak final bahslari, 19 may kuni esa yarim final va final bellashuvlari tashkil etiladi.
Eslatib o`tamiz, erkaklar va ayollar o`rtasida yakkalik dasturida o`tadigan musobaqada faqat g`oliblar Olimpiada yo`llanmasiga ega bo`lishadi.
Unda qatnashayotgan hamyurtlarimiz quyidagi guruhlardan joy olgan.
Erkaklar:
"V" guruhi: Shohruh Iskandarov (O`zbekiston), Noshad Alamiyan (Eron), Alisher Yakupbaev (Qirg`iziston).
"S" guruhi: Zohid Kenjaev (O`zbekiston), Nima Alamiyan (Eron), Alan Kurmangaliev (Qozog`iston).
Ayollar:
"A" guruhi: Rozalina Xodjaeva (O`zbekiston), Maxshid Astari (Eron), Saida Kudusova (Qirg`iziston), Sarvinoz Mirqodirova (Qozog`iston);
"V" guruhi: Marhabo Magdieva (O`zbekiston), Anastasiya Lavrova (Qozog`iston), Neda Shaxsavari (Eron), Ayana Ulanbekova (Qirg`iziston).