AsosiySport
2823

Olga Zabelinskaya uch karra Osiyo chempioni bo`ldi

'Olga Zabelinskaya uch karra Osiyo chempioni bo`ldi'ning rasmi

Biroz oldin Qozog`istonning Olma-Ota shahrida velosportning shosse yo`nalishi bo`yicha kattalar va yoshlar o`rtasidagi Osiyo chempionatida ayollar Elita toifasida individual vaqt poygasi bo`lib o`tdi.

20 km masofaga kechgan bellashuvda O`zbekiston ayollar milliy terma jamoasi a`zolari Olga Zabelinskaya hamda Yanina Kuskova ishtirok etdi.

Quvonarlisi, poyga yakuniga ko`ra, Olga Zabelinskaya oltin, Yanina Kuskova esa kumush medalga ega chiqdi.

Olga Zabelinskaya (O`ZBEKISTON) - 28:07
Yanina Kuskova (O`ZBEKISTON) - 29:02
Rinata Sultanova (Qozog`iston) - 29:28.

Ma`lumot uchun, bugungi ishtiroki orqali Olga Zabelinskaya veloshosseda uch karra Osiyo chempioniga aylanib olgan bo`lsa, Yanina Kuskova ikkinchi bor qit`a birinchiligi sovrindoriga aylandi.

Shu tariqa, delegasiyamizning Osiyo chempionatidagi medallari soni 5 taga etdi: 1 ta oltin, 4 ta kumush.

    Bizni ijtimoiy tarmoqlarda kuzatib boring

    Boshqa yangiliklar