Qirg`iziston prezidenti Sadir Japarov davlat tashrifi bilan O`zbekistonga kelishi rejalashtirilmoqda.
Bu haqda Qirg`iziston Vazirlar Mahkamasi raisi Aqilbek Japarov ma`lum qildi.
“Prezidentlarning bo`lajak uchrashuvi yaxshi qo`shnichilik va o`zaro manfaatli munosabatlarni rivojlantirish yo`lidagi mushtarak irodani o`zida mujassamlashtirgan holda mamlakatlarimiz o`rtasidagi do`stona aloqalarni mustahkamlashda muhim lahza bo`ladi”, — degan u Bishkekda bo`lib o`tgan Qirg`iziston—O`zbekiston biznes-forumida.
Ta`kidlanishicha, davlat rahbarlari ikki mamlakat o`rtasidagi tovar ayirboshlash hajmini 2 milliard dollarga etkazish vazifasini qo`ygan.
