Qirg`izistonlik Rohatbek bundan olti yil ilgari mol boqish bilan shug`ullanardi, soppa-sog` yigit baxtsiz hodisa tufayli 1 guruh nogironiga aylandi, deb xabar berdi “Nonbox.ru” nashri.
Usenxo`jaev Rohatbek 1983 yilda Qirg`izistonning At-bashi tumanida dunyoga kelgan. Baxtsiz hodisa tufayli to`shakka mixlanib qolgandan keyin u yangi kasbni egallashni niyat qildi.
Ayni paytda u charmdan qamchi, sumka, hamyon, telefon g`iloflarini, kamar, otning egar-jabduqlarini tayyorlamoqda. U yaratgan sumkalar 15 ming qirg`iz so`mi (200 $ AQSh dollari) deb baholanmoqda. Rohatbek yaratgan buyumlarni asosan xitoylik qirg`izlar sotib olib, dunyoga tarqatmoqda.
“Mol boqib yurganimda, yiqilib tan jarohati oldim, uzoq vaqt to`shakka mixlanib qoldim. Onam juda qiynaldi, nogiron bo`lib qolganimning ikkinchi yili rafiqam tashlab ketdi. Bolalar men bilan qoldi. Onamning ko`z yoshlariga chidolmaganimdan, bolalarimni boqish maqsadida o`zimni qo`lga oldim. Avvaliga qo`l mehnati orqali topgan pullarim faqat oziq-ovqat mahsulotlari sotib olish uchun etdi. Keyinchalik onamga atab, charmdan sumka tikdim. Qarasam, juda chiroyli chiqdi. Shundan keyin ancha sumka tikdim, ammo ular sotilmadi. Ularni nima qilsam ekan, deb o`ylab turganimda, tumanimizda festival o`tkazildi. Yaratgan sumkalarimni ko`rgazmaga qo`ydim, ular festival ishtirokchilarining e`tiborini tortdi”, deb hikoya qildi Rohatbek.
Hozirda u yaratgan sumkalar 600 dan 15 ming qirg`iz so`miga (10 AQSh dollaridan 200 dollargacha) bo`lgan narxda sotilmoqda. Sumka savdosidan yaxshigina daromad olmoqda.
“Hozircha vrachlar oyoqqa turishim haqida aniq bir xulosaga kelgani yo`q. Ba`zilari tuzalasan, desa, ba`zilari umid yo`q, deydi. Ayni paytda men bu haqda o`ylab, siqilgandan ko`ra, bolalarimning kelajagini ta`minlashim kerakligi haqida ko`proq o`ylayapman...” dedi Rohatbek.
26.09.2021, 17:45
O`zbekistonning qaysi hududida oilalar soni ko`p? Davlat statistika qo`mitasi ma`lumot berdi. Unga ko`ra, 2021 yilning 1 yanvar holatiga O`zbekiston Respublikasida jami 8 871 412 ta oila...27.05.2021, 16:56
AOKAda “Mahalla va oila” ilmiy-tadqiqot instituti rahbarlari ishtirokida matbuot anjumani bo`lib o`tdi.Anjumanda “O`zbekiston Respublikasida oila institutini 2030 yilgacha yanada mustahkamlash konsepsiyasi” mazmun-mohiyati va ahamiyati haqida...03.12.2019, 10:59
Poytaxtimizning Mirobod tumanida yashovchi fuqaro H.N. Toshkent viloyati Ohangaron tumani IIBga ariza bilan murojaat qilib, 29 noyabrga o`tar kechasi o`ziga tegishli «Gulobod» mahalla fuqarolar yig`ini...24.11.2019, 10:51
G`ijduvonda X.S. ismli fuqaro qo`shxotinlikda ayblanib sudlandi. Bu haqda Jinoyat ishlari bo`yicha G`ijduvon tuman sudi raisi Boborahim Ochilov ma`lum qilgan.1966 yili G`ijduvon tumanida tug`ilgan fuqaro...