Avvalroq, ijtimoiy tarmoqlarda "Anhor" parkida "lenta shou" oʻtkazilishi haqidagi xabarlar tarqalgan edi.
Toshkent shahar Ekologiya, atrof-muhitni muhofaza qilish va iqlim oʻzgarishi boshqarmasi tomonidan holat oʻrganildi.
Oʻrganish natijasida parkdagi "Amfiteatr"da "lenta-shou" uyushtirilishi, bunda animatorlar tomonidan lentalarni aylantirib, tomosha koʻrsatilishi, "osmondan lentalar yogʻilishi" esa e'tiborni jalb qilish uchun aytilganligi ma'lum boʻldi.
Bayram tashkilotchilariga bu kabi shoular atrof-muhitning ifloslanishiga sabab boʻlishi, ekologiya uchun zararli ekanligi tushuntirildi.
"Natijada shu kuni oʻtkazilishi rejalashtirilgan "lenta-shou" bekor qilindi. Qolaversa, blogerlar tomonidan tarqatilgan videolar oʻchirildi",- deyiladi xabarda.