Vazirlar Mahkamasining "O‘zbekiston Respublikasi Hukumatining ayrim qarorlariga tazyiq va zo‘ravonlik qurboni bo‘lgan xotin-qizlarga himoya orderi berish tartibini takomillashtirishga qaratilgan o‘zgartirish va qo‘shimchalar kiritish to‘g‘risida"gi qarori qabul qilindi.
Hujjat bilan quyidagilar nazarda tutiladi:
• tazyiq va zo‘ravonlikka uchragan ayollarga YAIDXP orqali himoya orderi berish;
• orderni elektron shaklda berish;
• himoya orderini berish jarayonini avtomatlashtirish;
• profilaktika inspektori tomonidan himoya orderini tashabbus tartibida berish.
Himoya orderi profilaktika inspektori tomonidan tazyiq, zo‘ravonlik holati yoki ularning yuzaga kelish xavfi aniqlangan paytdan e’tiboran 24 soat ichida beriladi.
YAIDXP orqali himoya orderini rasmiylashtirish va berish bepul amalga oshiriladi.
Bundan tashqari, 1 dekabrdan boshlab tazyiq va zo‘ravonlik holatlari aniqlanganda bir kalendar yil davomida ikki va undan ortiq marotaba himoya orderi profilaktika inspektori tomonidan uning tashabbusi bilan beriladi.
