Вазирлар Маҳкамасининг "Ўзбекистон Республикаси Ҳукуматининг айрим қарорларига тазйиқ ва зўравонлик қурбони бўлган хотин-қизларга ҳимоя ордери бериш тартибини такомиллаштиришга қаратилган ўзгартириш ва қўшимчалар киритиш тўғрисида"ги қарори қабул қилинди.
Ҳужжат билан қуйидагилар назарда тутилади:
• тазйиқ ва зўравонликка учраган аёлларга ЯИДХП орқали ҳимоя ордери бериш;
• ордерни электрон шаклда бериш;
• ҳимоя ордерини бериш жараёнини автоматлаштириш;
• профилактика инспектори томонидан ҳимоя ордерини ташаббус тартибида бериш.
Ҳимоя ордери профилактика инспектори томонидан тазйиқ, зўравонлик ҳолати ёки уларнинг юзага келиш хавфи аниқланган пайтдан эътиборан 24 соат ичида берилади.
ЯИДХП орқали ҳимоя ордерини расмийлаштириш ва бериш бепул амалга оширилади.
Бундан ташқари, 1 декабрдан бошлаб тазйиқ ва зўравонлик ҳолатлари аниқланганда бир календарь йил давомида икки ва ундан ортиқ маротаба ҳимоя ордери профилактика инспектори томонидан унинг ташаббуси билан берилади.
