Bugun, 23 sentyabrdan my.gov.uz portali orqali ipoteka kreditiga davlat subsidiyasini ajratish bo‘yicha arizalar qabuli boshlandi.
Shu munosabat bilan ko‘plab murojaatlar tufayli tizimga yuklamalar ortishi hisobidan Yagona portal faoliyatida uzilishlar va vaqtinchalik kechikishlar kuzatilishi mumkin. Bu haqda hukumat portali rasmiy telegram kanalida ma’lum qilindi.
"Biz tizim ishini barqarorlashtirish ustida ishlayapmiz. Sizlardan vaqtinchalik noqulayliklar uchun uzr so‘raymiz!" - deyiladi xabarda.
