O‘zbekistonning Vengriyadagi elchisi lavozimida ishlab kelayotgan Oybek Shaxavdinov bir vaqtning o‘zida O‘zbekistonning Xorvatiyadagi elchisi bo‘ldi. Bu haqda O‘zbekistonning Vengriyadagi elchixonasi xabar qildi.
Kecha, 23 oktyabr kuni Elchi Zagrebda Xorvatiya Tashqi va Yevropa ishlari vazirligi protokol departamenti boshlig‘i Mirta Yelens Jupanga ishonch yorliqlari nusxalarini topshirnan.
Ma’lumot uchun: bu O‘zbekistonning Xorvatiyadagi birinchi elchisi hisoblanadi.
Mirte Elens Jupan Oybek Shaxavdinovga muvaffaqiyatli faoliyat tiladi va O‘zbekiston elchisi etib tayinlanishi ikki tomonlama munosabatlar rivojida yangi bosqich bo‘lishiga ishonch bildirdi.
Eslatib o‘tamiz, Oybek Shaxavdinov O‘zbekistonning Vengriyadagi birinchi elchisi ham hisoblanadi.
