Gollivud aktyori Arnold Shvarsenegger AQShning yangi prezidenti Donald Trampning NBC kanalida namoyish etiladigan The Celebrity Apprentice realiti-shousida ijrochi prodyuser vazifasini bajarishini qo`llab-quvvatladi, deb xabar berdi “Ria.ru” nashri.
Ko`rsatuvda Arnold Shvarseneggerning o`zi boshlovchilik qiladi.
Ilgari Tramp prezident bo`lib saylanganiga qaramay, realiti-shouning ijrochi prodyuseri vazifasida qolishi haqida xabar berilgandi. Tramp 2004 yildan beri mazkur ko`rsatuvning ijrochi prodyuseri va boshlovchisi vazifasini bajarib kelgan. Shouning reytingi yuqori bo`lib, uch marotaba “Emmy” mukofotini qo`lga kiritgan.
Shvarsenegger buni “shunchaki biznes” deb atadi, chunki uning o`zi ham Kaliforniya shtati gubernatori vazifasida ishlayotganda “Terminator” filmi uchun gonorar olgan. U Trampning o`rniga boshlovchilik qilish gardaniga “yuksak mas`uliyat” yuklashini ma`lum qildi.
Oktyabr oyida Shvarsenegger respublikachilar tomonidan prezidentlikka nomzodi qo`yilgan Donald Trampni saylovda qo`llab-quvvatlamasligini ma`lum qilgan edi.
