Senatning navbatdagi yalpi majlisida “Yo‘l harakati xavfsizligi tizimi takomillashtirilishi munosabati bilan O‘zbekiston Respublikasining Jinoyat, Jinoyat-protsessual kodekslariga hamda O‘zbekiston Respublikasining Ma’muriy javobgarlik to‘g‘risidagi kodeksiga qo‘shimcha va o‘zgartirishlar kiritish haqida”gi Qonun kòrib chiqildi.
Mazkur qonun yuzasidan Senatning Mudofaa va xavfsizlik masalalari qòmitasi raisi raisi Qutbidin Burxanov ma’ruza qildi.
Ma’lum qilinishicha, 2024 yilda 9 mingdan ortiq YTH yuz bergan. YTHlarda 2203 kishi halok bo‘lgan, 8901 kishi tan jarohati olgan.
Qayd etilishicha, YTHlarning asosiy sababi haydovchilarning bilimsizligi va qoidalarning mensimasligidir. Shu sabab yo‘l harakati xavfsizligiga oid qoidabuzarliklar uchun javobgarlikni kuchaytirish nazarda tutilmoqda.
