Turkiyaning mashhur "Galatasaray" futbol klubi prezidenti Dursun O‘zbek o‘z ajdodlari haqida gapirib, ularning O‘zbekistondan chiqqanini ta’kidladi.
Klub direktori Ramazon iftorligi marosimida u shunday dedi: "Men O‘zbekistondan ko‘chib kelgan oilaning nevarasiman. Katta bobomiz avval Marashga, keyinchalik Sharkishlaga ko‘chib o‘tgan".
Dursun Aydin O‘zbek 1949 yil 25 mart kuni Turkiyaning Shebinqorahisar shahrida tug‘ilgan. U mamlakatdagi mashhur tadbirkorlardan biri bo‘lib, "Galatasaray" ko‘p tarmoqli sport klubining 36 va 39-prezidenti hisoblanadi.
"Galatasaray" klubi Turkiyaning eng nufuzli va ommabop futbol jamoalaridan biri bo‘lib, ko‘plab milliy va xalqaro mukofotlarga sazovor bo‘lgan. Dursun O‘zbekning ajdodlari haqidagi bu ma’lumoti ikki mamlakat o‘rtasidagi madaniy va tarixiy aloqalarning yaqinligidan darak beradi.
Abdulloh Sayyid
