Туркиянинг машҳур "Галатасарай" футбол клуби президенти Дурсун Ўзбек ўз аждодлари ҳақида гапириб, уларнинг Ўзбекистондан чиққанини таъкидлади.
Клуб директори Рамазон ифторлиги маросимида у шундай деди: "Мен Ўзбекистондан кўчиб келган оиланинг неварасиман. Катта бобомиз аввал Марашга, кейинчалик Шаркишлага кўчиб ўтган".
Дурсун Айдин Ўзбек 1949 йил 25 март куни Туркиянинг Шебинқораҳисар шаҳрида туғилган. У мамлакатдаги машҳур тадбиркорлардан бири бўлиб, "Галатасарай" кўп тармоқли спорт клубининг 36 ва 39-президенти ҳисобланади.
"Галатасарай" клуби Туркиянинг энг нуфузли ва оммабоп футбол жамоаларидан бири бўлиб, кўплаб миллий ва халқаро мукофотларга сазовор бўлган. Дурсун Ўзбекнинг аждодлари ҳақидаги бу маълумоти икки мамлакат ўртасидаги маданий ва тарихий алоқаларнинг яқинлигидан дарак беради.
Абдуллоҳ Саййид
