“SpaceX” kompaniyasining navbatdagi — to‘qqizinchi sinov parvozi yana omadsizlik bilan yakunlandi. Bu haqda “AFP” ma’lum qildi.
Dunyoning eng yirik raketasi hisoblangan “Starship” uchirilgandan taxminan yarim soat o‘tib, uning ikkinchi bosqichi ustidan nazorat yo‘qolgan.
Raketa boshqaruvsiz tarzda Yer atmosferasiga kirib kelgan. Taxminlarga ko‘ra, raketa yonib, Hind okeani uzra parchalanib ketgan.
Ilon Mask asos solgan SpaceX kompaniyasi hodisani rasman tasdiqladi.
Dastlabki ma’lumotlarga ko‘ra, voqea sabablaridan biri yoqilg‘i sizib chiqishi bo‘lishi mumkin.
Ma’lumot uchun, bundan avvalgi 8 ta sinov parvozidan 4 tasi ham portlash bilan yakunlangan edi.
