Qadimiy Olimpiya, asrlar davomida insoniyatning eng yirik sport anʼanalari shakllangan maskan sifatida tanilgan. Endi esa u zamonaviy texnologiyalar tarixidagi muhim burilish — robotlar oʻrtasidagi birinchi olimpiadaga mezbonlik qilmoqda.
Tashkilotchilar taʼkidlaganidek, "bir vaqtlar odamlar ilk bor oʻz jismoniy imkoniyatlarini sinagan joyda, bugun robotlar ham shunday sinovdan oʻtmoqda". Musobaqalarda gumanoid robotlar yugurish, sakrash, kurash va boshqa turdagi jismoniy mashqlarni bajarish orqali oʻz imkoniyatlarini namoyish etmoqda.
Mutaxassislarning fikricha, bu tadbir nafaqat texnologik taraqqiyotning yangi bosqichi, balki sunʼiy intellekt va robototexnika imkoniyatlarini kengroq namoyish etish uchun ham katta imkoniyat yaratadi. Tomoshabinlar esa "kelajak sportchilari"ni bugundan koʻrish imkoniyatiga ega boʻlishmoqda.
