Angliyaning “Manchester Siti” klubi Klublar o‘rtasidagi jahon chempionatida BAA vakili “Al-Ayn”ni 6:0 hisobida tor-mor keltirdi.
O‘zbekistonlik himoyachi Abduqodir Husanov ushbu bellashuvni boshlang‘ich tarkibda boshladi va 61-daqiqagacha harakat qildi.
2-tur doirasida AQSHning Atlanta shahrida o‘tgan bahsda ingliz klubi to‘liq ustunlik qildi.
Ilkay Gundo‘g‘an ikki bor raqib darvozasini ishg‘ol qildi. Shuningdek, Echeverri, Holand (penalti), Bobb va Sherki ham o‘z hisobiga bittadan gol yozdirib qo‘ydi.
Abduqodir Husanov o‘yinda asosiy tarkibdan joy oldi. U 58-daqiqada sariq kartochka oldi va 61-daqiqada Oskar Bobbga almashdi.
Bu Husanov uchun musobaqadagi ketma-ket ikkinchi asosiy tarkibda boshlangan uchrashuv bo‘ldi.
Guruhdagi bu g‘alabadan so‘ng “Siti” 6 ball bilan 2-o‘ringa ko‘tarildi. “Yuventus” ham shuncha “ochko” bilan guruh yetakchiligini davom ettirmoqda.
Har ikki jamoa pley-off bosqichiga muddatidan avval yo‘llanmani naqd qildi.
So‘nggi turda aynan “Siti” va “Yuventus” o‘zaro kuch sinashadi. Guruhning boshqa ikki jamoasi — “Al-Ayn” va Marokashning “Vidad” klubi uchun musobaqa yakuniga yetdi: ularning hisobida ochko yo‘q, imkoniyatlar ham qolmagan.
Klublar o‘rtasidagi jahon chempionati. 2025 yil, 2-tur.
Manchester Siti – Al-Ayn – 6:0
Gollar: Gundo‘g‘an (8, 73), Echeverri (27), Holand (45+5, penalti), Bobb (84), Sherki (89).
Sariq kartochkalar: Zabala (25), Rabia (45+4), Husanov (58)
