Qo‘shma Shtatlar o‘z zaxiralari haddan tashqari kamaygani vajidan Kiyevga avval va’da qilingan zenit-raketalar va boshqa qurollarni yetkazib berishni to‘xtatmoqda. Bu haqda The Guardian nashri xabar berdi.
AQSH rasmiylariga ko‘ra, ba’zi o‘q-dorilar avvalroq, ya’ni Bayden ma’muriyati hokimiyatda ekanligi paytida Ukraina mudofaasini kuchaytirish uchun va’da qilingan. Biroq, yangi ma’muriyat bu qarorlarning ayrimlarini AQSH manfaatlari bilan bog‘liq xavotirlar tufayli qayta ko‘rib chiqqan.
"Bu qaror AQSHning boshqa mamlakatlarga harbiy yordami va qo‘llab-quvvatlovi qayta ko‘rib chiqilganidan so‘ng mamlakat manfaatlarini birinchi o‘ringa qo‘yish uchun qabul qilindi", – deydi Oq uy matbuot kotibi Enn Kelli.
AP agentligiga ko‘ra, Pentagon tekshiruvidan so‘ng va’da qilingan ba’zi qurol-yarog‘ zaxiralari juda kam ekanligi, shu bois kutilgan ayrim yetkazib berishlar amalga oshirilmasligi aniq bo‘lgan.
AQSH Mudofaa vazirligi qaysi qurollar kechiktirilgani haqida batafsil ma’lumot bermagan. Biroq, PBS ma’lumotlariga ko‘ra, qurollar orasida 155 mm.li artilleriya snaryadlari, ko‘chma Stinger raketalari, Patriot havo mudofaa batareyalari va Hellfire raketalari mavjud.
"AQSHning ba’zi qurol-yarog‘larni yetkazib berishni to‘xtatishi Ukraina uchun katta zarba bo‘lishi mumkin. Chunki Moskva so‘nggi paytlarda havo hujumlarini sezilarli darajada kuchaytirdi: uchuvchisiz samolyotlar, raketa va bomba hujumlari tez-tez va kuchliroq bo‘lmoqda.
Ukraina Harbiy-havo kuchlari ma’lumotlariga ko‘ra, Rossiya iyun oyida Ukrainaga qarshi rekord darajadagi 5 438 ta uchuvchisiz samolyot uchirgan. Bu Moskvaning mart oyida o‘tkazgan 4 198 ta uchuvchisiz uchuvchisiz samolyotdan to‘rtdan biriga ko‘p", – deb yozadi The Guardian.
