Қўшма Штатлар ўз захиралари ҳаддан ташқари камайгани важидан Киевга аввал ваъда қилинган зенит-ракеталар ва бошқа қуролларни етказиб беришни тўхтатмоқда. Бу ҳақда The Guardian нашри хабар берди.
АҚШ расмийларига кўра, баъзи ўқ-дорилар аввалроқ, яъни Байден маъмурияти ҳокимиятда эканлиги пайтида Украина мудофаасини кучайтириш учун ваъда қилинган. Бироқ, янги маъмурият бу қарорларнинг айримларини АҚШ манфаатлари билан боғлиқ хавотирлар туфайли қайта кўриб чиққан.
"Бу қарор АҚШнинг бошқа мамлакатларга ҳарбий ёрдами ва қўллаб-қувватлови қайта кўриб чиқилганидан сўнг мамлакат манфаатларини биринчи ўринга қўйиш учун қабул қилинди", – дейди Оқ уй матбуот котиби Энн Келли.
AP агентлигига кўра, Пентагон текширувидан сўнг ваъда қилинган баъзи қурол-яроғ захиралари жуда кам эканлиги, шу боис кутилган айрим етказиб беришлар амалга оширилмаслиги аниқ бўлган.
АҚШ Мудофаа вазирлиги қайси қуроллар кечиктирилгани ҳақида батафсил маълумот бермаган. Бироқ, PBS маълумотларига кўра, қуроллар орасида 155 мм.ли артиллерия снарядлари, кўчма Stinger ракеталари, Patriot ҳаво мудофаа батареялари ва Hellfire ракеталари мавжуд.
"АҚШнинг баъзи қурол-яроғларни етказиб беришни тўхтатиши Украина учун катта зарба бўлиши мумкин. Чунки Москва сўнгги пайтларда ҳаво ҳужумларини сезиларли даражада кучайтирди: учувчисиз самолётлар, ракета ва бомба ҳужумлари тез-тез ва кучлироқ бўлмоқда.
Украина Ҳарбий-ҳаво кучлари маълумотларига кўра, Россия июн ойида Украинага қарши рекорд даражадаги 5 438 та учувчисиз самолёт учирган. Бу Москванинг март ойида ўтказган 4 198 та учувчисиз учувчисиз самолётдан тўртдан бирига кўп", – деб ёзади The Guardian.
