Rossiya, Xitoy va AQSH – dunyo xavfsizligiga eng katta tahdid sifatida ko‘rilmoqda

“Pew Research Center” tomonidan o‘tkazilgan global so‘rov natijalari shuni ko‘rsatdiki, dunyo aholisining aksariyati Rossiya, Xitoy va AQSHni eng katta tahdid sifatida ko‘rmoqda. Ushbu so‘rovda 25 mamlakatdan 32 mingga yaqin respondent ishtirok etgan bo‘lib, ular orasida Rossiya va Ukraina fuqarolari bo‘lmagan.

Tadqiqotga ko‘ra, ayniqsa Yevropa mamlakatlarida Rossiyaga bo‘lgan salbiy munosabat kuchaygan. Misol uchun:

— Polshaliklarning 81 foizi,

— Shvetsiyaliklarning 77 foizi,

— Germaniyaliklarning 59 foizi,

—Niderlandiyaliklarning 57 foizi Rossiyani asosiy tahdid deb hisoblaydi.

Ispaniyada esa respondentlar teng miqdorda Rossiya va AQSHni xavf deb biladi. Gretsiyada esa aksariyat (74 foiz) fuqarolar Turkiyani asosiy xavf deb atagan.

So‘rov natijalariga ko‘ra, AQSHga nisbatan ham salbiy munosabat kuchaygan. Jumladan:

 — Meksika aholisi orasida 68 foiz,

— Kanada – 59 foiz,

— Braziliya va Argentina – har ikkisi 24 foiz AQSHni xavf deb biladi.

E’tiborga molik jihati shundaki, Kanadada AQSHni tahdid deb biluvchilar soni 2019 yilga nisbatan uch baravarga oshgan. Mutaxassislar bu holatni Donald Trampning Oq uyga qaytishi bilan bog‘lamoqda.