Birlashgan Millatlar Tashkilotining Butunjahon turizm tashkiloti (UNWTO) 2024 yilda sayyohlar eng ko‘p tashrif buyurgan mamlakatlar ro‘yxatini e’lon qildi.
Unga ko‘ra, dunyoning eng ommabop yo‘nalishi — Fransiya bo‘lib, mamlakatga bir yil ichida 102 milliondan ortiq sayyoh kelgan.
Eng ko‘p tashrif buyurilgan shaharlar sifatida Parij va Lazurniy sohil shaharlari tilga olinmoqda.
Ikkinchi o‘rinda Ispaniya joy oldi — 93,8 million mehmon. Ammo bu mamlakatda mahalliy aholi massaviy turizmga qarshi norozilik namoyishlarini o‘tkazmoqda. Uchinchi o‘rinni esa AQSH egallagan — 72,4 million sayyoh.
Germaniya esa eng ko‘p tashrif buyuriladigan davlatlar ichida to‘qqizinchi o‘rinni band etgan. BMT hisoboti Germaniyada sayyohlarni shaharlar xilma-xilligi va tarixiy obidalar — xususan, Koln sobori hamda Neushvaynshhteyn saroyi jalb qilayotganini qayd etadi.
Eng mashhur 10 yo‘nalish quyidagicha:
1. Fransiya
2. Ispaniya
3. AQSH
4. Turkiya
5. Italiya
6. Meksika
7. Xitoy
8. Buyuk Britaniya
9. Germaniya
10. Yaponiya
