Turkiya statistika instituti e’lon qilgan 2022–2024-yilgi “Hayot jadvallari” hisobotiga ko‘ra, mamlakatda tug‘ilgan chaqaloq uchun o‘rtacha umr ko‘rish davomiyligi 78,1-yilni tashkil etmoqda. Bu ko‘rsatkich avvalgi davrga nisbatan oshgan.
Ayollar uchun kutilayotgan umr 80,7-yil bo‘lsa, erkaklar uchun bu raqam 75,5-yilni tashkil qilmoqda. 65 yoshga yetgan bir shaxs uchun esa o‘rtacha 18-yil umr qolgan bo‘lishi taxmin qilinmoqda.
Shuningdek, statistik ma’lumotlar shuni ko‘rsatmoqdaki, insonning ta’lim darajasi oshgan sari umr ko‘rish davomiyligi ham ortmoqda. Oliy ma’lumotli 30 yoshdagi shaxslar, o‘rta ta’limdan past bo‘lganlarga qaraganda, o‘rtacha 5-yil ko‘proq yashashi mumkin.
Sog‘lom umr ko‘rish davomiyligi esa o‘rtacha 57,6-yil deb baholangan. Qizig‘i shundaki, bu borada erkaklar (58,9-yil) ayollardan (56,3-yil) ko‘proq sog‘lom umr ko‘rishi qayd etilgan.
