Samarqand shahri va Samarqand tumanidagi HETK inspektorlari 54 ta bodikamera bilan taʼminlangan. Bu orqali xodimlarning isteʼmolchilar bilan muloqoti, joylarda oʻtkazgan oʻrganish ishlari yozib olinadi.
Elekt taʼminoti korxonasi va isteʼmolchi oʻrtasidagi munosabatlarda shaffoflikni taʼminlash, korrupsion holatlarning oldini olish maqsadida tizimni raqamlashtirish, zamonaviy texnologiyalardan foydalanishga alohida eʼtibor qaratilmoqda.
Hozirda «Hududiy elektr tarmoqlari» aksiyadorlik jamiyati «Energosavdo» Samarqand filialida E-dalolatnoma rasmiylashtirish tizimi yoʻlga qoʻyilgan boʻlib, tuman va shahar elektr taʼminoti korxonalariga 158 dona planshet ajratilgan.
Inspektorlar tomonidan har bir dalolatnoma ushbu planshetlar orqali tuzilib, tizimga kiritiladi. Qogʻoz dalolatnomalardan farqli ravishda har bir dalolatnomaning hisobi yuritiladi va ijrosi taʼminlanadi.
