Andijon shahrida joylashgan “G.T.” mas’uliyati cheklangan jamiyatining ayrim mansabdor shaxslari tomonidan elekt energiyasidan noqonuniy foydalanish holati aniqlandi.
Tekstil mahsulotlariga ishlov beruvchi sexdagi elektr jihozlar ruxsatsiz ravishda tarmoqqa ulanib, elektr energiyasi o‘g‘irlab kelingan.
Dastlabki hisob-kitoblarga ko‘ra, jami 4,6 milliard so‘mlik zarar yetkazilgan. Holat yoqilg‘i-energiya resurslaridan foydalanishda qonunbuzarliklarni aniqlish bo‘yicha o‘tkazilayotgan nazorat tadbirlari chog‘ida fosh etilgan.
Mazkur holat yuzasidan hozirda tergovgacha surishtiruv ishlari olib borilmoqda. Mutasaddilar bu kabidagi noqonuniy harakatlar jiddiy javobgarlikka sabab bo‘lishini eslatmoqda.
