2025 yil 31 iyulda qabul qilingan O‘RQ-1078-son Qonun bilan “Iste’molchilarning huquqlarini himoya qilish to‘g‘risida”gi qonunga kiritilgan yangiliklarga ko‘ra, agar sotuvchi tovarni kelishilgan muddatda yetkazib bermasa, u har bir kechikkan daqiqa, soat yoki kun uchun tovar narxining 0,5 foizi miqdorida penya to‘laydi.
Shartnomada ushbu penya miqdorini 0,5%dan kam qilib belgilash taqiqlanadi. Bu norma jismoniy shaxs – iste’molchilar manfaati yo‘lida joriy etilgan.
Oxirgi yillarda tovar kechikishi bilan bog‘liq shikoyatlar keskin oshgan:
2022 yil – 500 ta murojaat,
2023 yil – 1 373 ta,
2024 yil – 4 213 ta.
Ko‘pchilik holatlar maishiy texnika, mebel va avtomobillar yetkazib berishdagi kechikishlar bilan bog‘liq.
Qonunning maqsadi – fuqarolar huquqlarini samarali himoya qilish, sotuvchilar mas’uliyatini oshirish va adolatli bozor muhitini shakllantirishdir.
