Ukraina prezidenti Vladimir Zelenskiy 20 avgust kuni jurnalistlar bilan uchrashuvda mamlakatda ishlab chiqarilgan “Flamingo” uzoq masofali qanotli raketasi sinovdan muvaffaqiyatli o‘tganini e’lon qildi.
DW'ning yozishicha, ushbu raketaning uchish masofasi 3 ming kilometrni tashkil qiladi.
Zelenskiy bu raketa Ukraina raketa dasturi doirasidagi “eng muvaffaqiyatli loyiha” bo‘lganini ta’kidladi. Unging so‘zlariga ko‘ra, “Flamingo” haqida to‘liq ma’lumotlar hozircha oshkor qilinmaydi — faqatgina bu raketalardan yuztasi amalda qo‘llashga tayyor bo‘lgach, tafsilotlar berilishi mumkin.
Massaviy ishlab chiqarish esa 2025 yil dekabrida yoki 2026 yil boshida boshlanishi rejalashtirilgan.
