Toshkent shahrida havo oʻzgaruvchan boʻladi, yogʻingarchilik kutilmaydi. Shamol sharqdan 3–8 m/s tezlikda esadi. Havo harorati kechasi 20–22 daraja, kunduzi esa 34–36 daraja boʻladi.
Qoraqalpogʻiston Respublikasi va Xorazm viloyatida ayrim joylarda qisqa muddatli yomgʻir yogʻishi va momaqaldiroq boʻlishi mumkin. Shamol sharqdan 7–12 m/s tezlikda esadi, baʼzi joylarda 20–22 m/s gacha kuchayib, chang-toʻzonlar kuzatilishi ehtimoli bor. Harorat kechasi 15–20, kunduzi 30–35 daraja boʻladi.
Buxoro va Navoiy viloyatlarida yogʻingarchilik kutilmaydi. Shamol baʼzi joylarda 13–18 m/s gacha kuchayishi mumkin. Harorat kechasi 18–23, kunduzi 32–37 daraja atrofida boʻladi.
Toshkent, Samarqand, Jizzax va Sirdaryo viloyatlarida ham quruq ob-havo saqlanib turadi. Harorat kechasi 18–23, kunduzi 32–37 darajagacha koʻtariladi.
Qashqadaryo va Surxondaryo viloyatlarida kunning eng issiq ob-havosi kuzatiladi. Havo harorati kunduzi 33–38 darajagacha yetadi, kechasi esa 18–23 daraja boʻladi.
Andijon, Namangan va Fargʻona viloyatlarida yogʻingarchilik kutilmaydi. Harorat kechasi 16–21, kunduzi 32–37 daraja boʻladi.
Togʻ oldi va togʻli hududlarda ayrim joylarda qisqa muddatli yomgʻir yogʻishi va momaqaldiroq boʻlishi mumkin. Harorat kechasi 10–15, kunduzi 23–28 daraja atrofida boʻladi. Momaqaldiroq vaqtida shamol tezligi 13–18 m/s gacha kuchayishi mumkin.
