Jahon oltin kengashi ma'lumotlariga ko'ra, 2026 yil aprel oyida dunyo markaziy banklari jami 17 tonna oltin xarid qilgan. Mutaxassislar oltinga bo'lgan talab yuqori darajada saqlanib qolayotganini ta'kidlamoqda.
Jahon oltin kengashi ma'lumotlariga ko'ra, 2026 yil aprel oyida dunyo markaziy banklari jami 17 tonna oltin xarid qilgan. Talab yuqori darajada saqlanib qolmoqda.
Eng yirik xaridor Polsha bo'lib, aprel oyida 14 tonna oltin sotib olgan. Mamlakatning umumiy zaxiralari 595 tonnaga etgan.
Xitoy ham xaridni oshirib, bir oyda 8 tonna oltin olgan. Bu 2024 yil dekabridan beri eng yuqori ko'rsatkich hisoblanadi.
O'zbekiston Markaziy banki aprel oyida 1 tonna oltin sotgan bo'lsa-da, yillik hisobda yirik sof xaridorlar qatorida qolmoqda. Yil boshidan buyon mamlakat 24 tonna oltin xarid qilib, Polsha bilan birga yetakchi xaridorlar qatoriga kirgan.
Hozirda O'zbekistonning oltin zaxiralari taxminan 414 tonnani tashkil etadi. Bu mamlakat umumiy xalqaro rezervlarining qariyb 88 foiziga teng ekani aytilmoqda.
Jahon oltin kengashi ma'lumotlariga ko'ra, so'nggi uch yilda Sharqiy Yevropa va Osiyo markaziy banklari oltin xaridini barqaror ravishda oshirib, zaxira siyosatini mustahkamlab bormoqda.
