Oltin medal sohiblariga BYD Champion Song avtomobili va 15 ming dollar, kumush medaldorlarga esa BYD Chazor hamda 7 ming dollar, bronza medal egalari esa BYD Chazor va 3,7 ming dollar pul mukofotini qo‘lga kiritdi. Murabbiylarga ham bir martalik pul mukofotlari berildi.
Mukofotlarni Prezidentning sport bo‘yicha vakili Odil Abdurahmonov, sport vaziri Adham Ikramov va MOQ raisining birinchi o‘rinbosari Otabek Umarov topshirdi. Ular sportchilarni qutlab, kelgusidagi yutuqlarda omad tiladi.
Taqdirlanganlar nomidan Ruslan Nurudinov, Abdumalik Xalokov, To‘lqin Qilichev hamda sportchi Javohir Ummatalievning otasi Turobjon Ummataliev minnatdorlik bildirgan.
